Angel

الخطوط الوهمية الليبية

2010-05-30T23:44:00.006+02:00

السلام عليكم

ها انا من جديد فى مدونتى العزيزة بعد غياب طويل هوااا صح المدونة تبى شوية تنفيط وترتيب من الغبرة لاكن مش مشكلة
توا نفضالها غير اليوم نبى نكتب على شى حرقلى دمى صار معاى فى نهاية الاسبوع الماضى .

خلى نبدا من الاول
هدا لى انا المدير لية وقت مريحنى وانى كنت حاسس ان ها الراحة مش رح تمر على خير
جى يوم الاتنين الماضى الصبح مبتسم ابتسامة عريضة

اسامة عندنا شغل فى سبها ومافيش غيرك يقدر يمشى, طبعا هوا فى غيرى كتير بس كل واحد واتى بى سبلة متعى
انى قلت لى نفسى يلا خودها بروح رياضية وبرا على الاقل دير دورة فى سبها بمان اول مرة نمشيلها.
وقالى المدير حجزنالك على رحلة يوم التلاتاء السعة 7:15 مساء

على الخطوط الجوية الليبية

يوم التلاتاء السعة 5 كنت فى المطار جاهز للسفر.
خشيت لى صالة الرحلات الداخلية طبعا من المستحيل فى ليبيا تلقىا طابور وبالدور انى قلت لى روحى اهووو ستنا شوى توا اتم الزحمة ونمشى اندير تشك ان وكلها سعة وتمت الزحمة ومشيت خديت كرت الصعود .
توا لى هنى كل شى جميل جدا ماشيا الامور

جت السعة 7:15 ومزال قعدين فى صالة الانتضار
7:30

8:00

اهاااا هنى قلت خلى نسال مشيت لى مكتب الخطوط فى المطار سالتهم خيرها الرحلة تاخرت
رد على واحد تقول جاى نطلب منا فى حسنة ,,,,,, قالى وسعووو بالكم خيركم تقول رافعين التلج توا تسافرووو كلكم

طبعا من طريقة ردة انى عرفت انا مش حانوصل معاة لى حل فانسحبت وخليتة ومشيت .

استنتجت من حديتى مع المسافرين انا هدى مش اول مرة يعنى متعودا ديما
المهم وصلت السعة 9:00
واخيرا فرجوووو علينا ورح ايسفرونا

تفجات قبل مانركب الطائرة بى جبل من الحقائب مكوم جانب الطائرة

واحد من موظفى الخطوط طلب منا ان نتعرف على حقائبنا

بالليبى الى عندا شنطة ايطلعها على جنب هههههههههههههه

انى ستغربت وسالت ليش شن السبب جاوبنى الموظف قالى باش مانرفعوش شنطة صاحبها مهناش
؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!
من غير تعليق

لا حول ولا قوة الا باللة

المهم طلعت شنطى وركبت فى الطايرة وانى خايف ,,,, الحق خفت يعنى ادا هما قعدين بالطريقة هادى باش يعرفووو الشناطى صحابها قعدين او لا بى نعبا عليهم ايطيرووو بينا فى الجوووو

المهم توكلت على اللة وركبت وستغرفت الرحلة سعة من الزمن ووصلنا لى مطار سبها برعاية اللة وحدة

طبعا اول ماوصلت خديت شنطى بعد جهد جهيد

الاربعاء والخميس قضيتهم فى شغلى المكلف بة .
واتا يوم الجمعة الموعود هههههههههه رحلة العودة ,,,,,,,, شفتم الى صار معاى فووووق نفسة بالزبط بس فى حاجة زيادة انا رحلت الجمعة الغيت ودارووو عليا جميل باش سافرت السبت

طبعا هدى اول مرة نسافر رحلة داخلية ,,,,,, واخر مرة

مع السلامة واتمنا لكم سفرا ممتعا

انتضرونى قريبا

2010-05-20T13:36:00.002+02:00

One two three Vive l'Algérie

2009-11-19T14:04:00.000+02:00

السلام عليكم

هدة التدوينة هدية لى المنتخب الجزائرى والشعب الجزائرى

واعتقد انا مافيش حاجة توصف فرحت الشعب الليبى بى هالفوز اكتر من مجموعة الفديوات الى صورتهم البارح

حاجة غريبة

2009-10-13T12:39:00.002+02:00

ماقصرو مساكين

في المدرسه علمونا

واحنا اعويله اصغار

وتعبو امعانا اسنين

وهُمّ اللي ربّونا

لين صرنا اكبار

ولمّا كبرنا شويه

قدمنا الملف قبلونا

في المدرسه الثانويه

قلنا قرايه وبس

لامن يبهدلنا ولامن يهزبنا

ولامن يعلي الحس

وقفّنا المدير في وسط الغدير

وهات م الوعيد وهات م التهديد

وشوّية نصايح

اتزيد في العيار

وفي الفصل المعّلم

وين يبدا ايتكلّم

ايقول ياحقير

ووين ايحترم طالب

( اكرمكم الله )

ايقوله ياحمار

وتنادي الأبله

هيا يامريضه

اسرعي ياهبله

بنروّح لحوشي

ورايا اصغار

سبْ وشتيمه

وغيبة القيمه

وقلّة اقدار

ومالينا إلا الرحمن

وشد العزيمه ب كلمه رحيمه

ب لمسة حنان

من أستاذ طيب وأبله حكيمه

ايقولولنا

ماحد منكم ايسيّب لين يكمل المشوار

ماقصرو مسكين

في المدرسة علمونا عنتر وعروة أبطال

وإن السيف في حدّه الحدْ

بين اللعب والجد

وبين السفاهه وحكمة العقّال

وسيد ربيعه وحرب البسوس

وكيف ناخدو الثار

وتبقى فجيعه فيها انحوس

وماتبرد النار

وفي المدرسه علموهم

اعويلة الكفار

اللي كان واللي كاين

تفاحة نيوتن

ونسبية إنشتاين

وإفرويد

وإفلاطون

والأدب قبل العلم كيف إيكون

هُمْ يكسبوا

علمْ وأدبْ

واحنا العنف فينا دفين

هُمْ يوصلو

بعد التعبْ

واحنا انكونو ارهابيين

وماقصرو مساكين

بعضهم واخدين بإيدينا

ومن بعضهم كارهين لقرايه

كل شر منهم ايجينا

ب السانهم واللا بعصايه

يستحقرو فينا ويستهينو بينا

ولمّا دوينا قالو علينا

ماناش محترمين

وناقصين تربايه

وغير الضرب مالينا دوا

وحكمه عطيبه بيها ابتلينا

اتقول العصى لمن عصى

سمعناها وحفظناها

وفوق العصى مكتوبه كتيبه

حاجه غريبه !

اعتقد ان الشاعر محمد اميمة قد عبر عما يجول فى خاطرى

سلام

عيد سعيد

2009-09-17T10:28:00.004+02:00

كل عام وانتم بخير اصدقائي وينعاد عليكم بالصحة

قلت انتم اول ناس انعيد عليها وياريت اى احد ضايقتا او سببت لة مشاكل انا ايسامحنى

معيدين وديما عيد وايامنا فرح وسعادة

سلام

صور من وطنى

2009-09-01T15:40:00.003+02:00

موعد مع الألم

2009-08-24T11:51:00.002+02:00

سلام لى كل اصدقائى

موعد مع الالم فى يوم الاحد منتصف النهار

اصبحت احس بى بعض الالم فى ضرسى ( ضرس العقل )

لا اعرف لمادا اختار هدا الضرس ان ينغص عليا فى رمضان هههههههه هل هو سوء حظ ام العكس

امى اخبرتنى ان ضرس العقل ( خفاف دنوب ) ههههههههههههه

ومع اقتراب موعد الافطار ازداد الالم والتورم حتى صرت لا استطيع ان افتح فمى

واصبحت لا اقدر حتى على الكلام صار جهتى اليمنا متخدرة لا احس بيها وستمر صيامى حتى مابعد الغروووب لولا كوب من الحليب شربتة لى انا امى اللحت على

وبعد حين قررت الدهاب الى عيادة الاسنان دهبت الى عيادة الاسنان الى دكتور ( هلال ) الدكتور المفضل لدا العائلة

وهناك اخبرنى الدكتور انا لدى التهاب حاد فى اللتة بسب نمو ضرسى فى الاتجاة الخطأ ولاكن قبل عملية اقتلاع الضرس يجب

ان يوعالج الالتهاب الحاد عن طريق المضادات الحيوية

والان اخضع لى كورس علاج لى حين القضاء على الالتهاب والتورم

لا اعتراض على قضاء اللة ( اللة غالب ) لاكن الى حارق قلبى صفرت الفطور الى نشوفلها بى عين شماتة هههههههه

ضبعا الضحك بى الحروف بس لى انى مش قادر نضحك هههههههههه

ربى مايوريكم الى شفتا و يديم عليكم تاج الصحة والعافية

هدى تدوينة لى كى تبقى دكرى

سلام

اللهم انى صائم

2009-08-22T17:47:00.000+02:00

السلام عليكم اصدقائى وزوار مدونتى الاعزاء

كل عام وانتم بى خير وعافية ورمضان كريم وينعاد عليكم بالخير والبركة ان شاء اللة

اليوم شد انتباهى حاجة هيا مش جديدة بس كل رمضان نشوف فيها لاكن حبيت نكتب عليها ممكن الشباب يتعرضولها اكتر من البنات

الى هيا الاعصاب والتشنجات الزايدة تلقى الواحد من ابسط شى يبدا ايعيط ويحرق فى اعصابا وخاصة فى السعات ماقبل الافطار ( سباق الشربة )

اليوم على الاقل شفت تلاتة مشاكل على الطريق وكلهم على خاطر الطريق من يطلع قبل من وهدا مسكر على التانى ومتل هالاسباب

انى شخصيا تعرضت لى هاالموقف بس ماتخفوش انى مداير ودن من طين وودن من عجين مش مستعد نفسد صيامى على خاطر اسباب تافهة متل هادى

قال صلى اللة علية وسلم

فإذا كان يوم صوم أحدكم فلا يرفث ولا يصخب، فإن شاتمه أحد أو قاتله فليقل إني صائم إني صائم»

مش تقولو خواف هههههههههههههه لالالا بس واللة عطشان وماعندى نية نعيط ونحرق اعصابى ههههههههههههههه

هدا شهر خير وبركة وبركتا تعم على الكل ياريت مانقصوش منها بى المشاكل والعراك بسب ومن غير سبب

واتمنا لكم صياما مقبولا ودنبا مغفورا وافطارا شهيا

وكترووو من شرب المية على الاقل تلاتة لترات فى اليوم

سلام

فى متل هدا اليوم

2009-07-27T12:43:00.003+02:00

سلام

اصدقائى وماتبعين مدونة انجل اليوم يوم مميز على الاقل بى النسبة ليا اليوم كملت 26 ربيع من عمرى يعنى فى متل هدا اليوم وفى فترة الصباح اصبح لى تاتير فى الناس الى حولى اولهم بوى وامى ربى ايخليهم ويطول عمرهم

الايام تجرى زى الريح هدى كلمت بوى اليوم الصبح لما قتلا انا اليوم عيد ميلادى

بس بوى وجهلى سوال وحبيت نوجها ليكم

بوى قالى ياولدى تقدر تقولى شن درت السنة الى فاتت شن حققت من انجازات وشن اكتسبت من الحياة

انى قعدت ساكت لى فترة نفكر فى كلاما نقول فى نفسى كلام بوى فاجانى

المهم قتلا انى حققت هلابا حجات فى حياتى والمهم مش شن حققت المهم انا انى راضى عن نفسى وانتا يابوى راضى عليا

رد بوى عليا قالى احسن رد نسمعى وقالى انى راضى عليك دين ودنيا

واكيد كلى تفائل لى الايام القادمة وان شاء اللة الى ماصارش السنة الى فاتت اصير السنة الجاية

يلا سلامات

صفى قلبك

2009-06-24T23:51:00.003+02:00

السلام عليكم اصدقائى وزوار مدونتى الاعزاء

تدوينتى اليوم على برنامج مسموع فى القناة الشبابية ممكن معضمكم يعرفوة بس حبيت نحكى عنا

البرنامج هوا صفى قلبك

ماجمل هدا الاسم

الى شدنى لى البرنامج هوا ان فكرة البرنامج جميلة

ان لو فى اى سوء تفاهم بين شخصين يتصل واحد منهم الافضل اكيد ويقدم اعتدارة قدام ملاين الناس لى الشخص الى غلط فى حقا

يعنى هدا البرنامج يعطى فرصة لى المخطى ان يعتدر عن خطا الى دارة ومن غير دكر الخطا

هدا البرنامج تقدم فية الاعلامية سمر بوحلفاية ويداع على الهواء يوم التلاتاء من كل اسبوع

بس لاحضت ان المتصلين بى هدا البرنامج يطلعو عن هدف البرنامج الاساسى وهوا الاصلاح بين الناس الى زعلانة من بعضها

على سبيل المتال فى مرة اتصل اخ من مصر الشقيقة وشكلا يبى يتزوج بى فتاة ليبية بس اهل الفتاة رفضوة

بس هوا ماتقبل الرفض واتصل بى البرنامج ودكر اسم الفتاة وعائلتها وحنى عارفين مجتمعنا الليبى معضم الناس تعرف بعضها

وسبب مشاكل لى البنت واهلها بى الطريقة هادى

وفى هلبا مشاكل تعرض على الهواء تسبب فى تعقيدة وليس حلها

وهدا مش خطا معدين البرنامج بس خطا الناس الى مش فاهمة فكرة البرنامج

من راى ان لو البرنامج يتسجل تم يداع افضل من ان يسبب مشاكل لى الناس

وجهة نضر حبيت نحكيها فى عالمى الالكترونى الصغير

واخيرا نبى نشكر الاعلامية سمر بوحلفاية ومخرج ومعدين البرنامج واكيد ان الاعمال بى النيات

وان شاء اللة يجازيهم على قد نيتهم

سلام

ابتعد عنى

2009-06-17T13:11:00.002+02:00

لحضة حزن

2009-06-14T21:30:00.001+02:00

السلام عليكم

اكتب هدى التدوينة وانا لا اعرف لما اكتبها احس فقط فى رغبة فى كتابت شى ما يعبر عما فى داخلى من اسرار لا اريد البوح بيها ولا حتا لى نفسى

ما اجمل لحضات السعادة واسرعها فهيا تنقضى بى سرعة احيانا يراودنى شك ان كل لحضة فرح تمر بيها فهيا ستتضاعف لك لحضات حزن فى المستقبل

ولاكن ايمانى باللة ورسولة الكريم يطرض هدة الافكار من خيالى

ولاكن احيانا لحضات الحزن مفيدة لنا بالرغم من قسوتها علينا فهيا تجعلنا نقف وقفة مصارحة ومحاسبة مع انفسنا

ومن لحضات الحزن نكتشف من الدى يهتم لى امرنا ومن لا يبالى

كم يحزن المرء عندما يخسر شى ما فى داخلة الى الابد شى من المستحيل ان يرجع

والدى يحزن اكتر ان تحزن على هدا الشى فهوا وان حزنت الدهر لن ترجعة

اصدقائى استميحكم عدرا فربما كلاماتى مبهمة ولاكن هدى الكلامات جعلتنى اشعر انى قد افشيت ما فى داخلى من

اسرار

حاجة غريبة - ايحبها

2009-06-07T13:02:00.003+02:00

إيحّبها

تبية
ويبيها
ما هو خفاء

لا هو مدرق فيها

يحبها ويموت فيها

إيموت في الوطى

اللي تمشي عليها

هي الزاهيه بالود

هي الفايحه بالطيبة

هي اللي غلاها جدّ

ومـ الحب هي نصيبه

ووين طلبو منه يختار

اللي يتم امعاها المشوار

اختار اللي ما والفها لا يعرفها

لا مرة فعمرة وصّفها لا صادفها

تناسى اللي فـ القلب حبيبة

ما دّورها

لا عاد تكلّم عالحب

تناساها اللي اتفوح بطيبة

ما قدّرها

وهي لأجله ما هابت صعب

ولما أصحابه قالو ليش

كاين تهواها وتهواك

بلاك المسكينة ما تعيش

وما تطلب في غير ارضاك

قال: ما نبيها اللي نعشقها

وهي تعشقني

شرطي فـ اللي بنرافقها وترافقني

تكون غريبه!

حاجة غريبه!!!

كــم مـن كـلام ينقـــال؟! ومن كلمات قولتها صعيبـه؟!
وكم من حال يغني عـ السؤال؟! ومن حاجات في الدنيا غريبه؟!

لى الشاعر محمد اميمة

اصدقائى الابيات هادى ماهى ابيات عجبتنى بس بس الحقيقة انى مريت بى الحالة

لى صديق يحب بنت بس لما فكر يتزوج ماتجوزها وتجوز وحدة يعرف اسمها بس

فى احد يقدر ايجاوبنى ليش

خطورة المحمول على مستخدمية

2009-05-12T14:35:00.004+02:00

السلام عليكم

شباب المدة الاخيرة فى هلبا من اقربائى واصدقائى يسئلو فيا بى مانى مهندس اتصالات على خطر الهاتف المحمول على مستخدمية
شو جتنى فكرة ليش ماننعمل بوست على ها الموضوع المهم
خلى نبدو

الاول خلى نحكيلكم على الموجات

الموجات هى عبارة عن ترددات تنتشر خلال الهوا خلى نقولو متال
صوت الانسان موجة وتنتشر فى الهوا حتى تصل الى الادن بس صوت الانسان موجة ضعيفة نسبيا مابين 85 الى 1000 هرتز الهرتز وحدة قياس الترددات

لى انا تردد صوت الانسان صغير نسبيا هدا ليش مانقدروش نوصلو اصوانتا لى مسافات بعيدة جدا لى انا التردد هدا يضعف مع كبر المسافة حتى يتلاشى تماما
لى دالك نستعمل الميكرفون او مكبرات الصوت لى جعل صوتنا اعلا
وفى انواع من الموجات النوع الاول نقدر نسمعا زى صوت الانسان
اما النوع التانى فهوا نقدر نشوفة زى ضوء الشمس
اما النوع التالت فهوا لانقدرنسمعا ولا نشوفا زى موجات الكهربا وموجات النقال والى هوا موضوع البسوست متعى
ان شاء اللة توا فهمتو شن معنى الموجة والتردد متعها

خلى توا نوريلكم مدى الترددات الى نتعرضو ليها خلال حياتنا

توا خلى نقوللكم كيف نحسبو طاقة الموجة الى نتعرضو ليها

طاقة الموجة = حاصل ضرب تابت بلانك فى تردد الموجة
تابت بلانك الى هوا = 6.63 × 10 – 34

يعنى كل ما زاد تردد الموجة الى نتعرضولها اتزيد الطاقة او القدرة متعها
يعنى اتزيد خطورتها على جسم الانسان

فى حاجة تانية العلماء قسمو مدى الترددات الى قسمبن الى هما
ترددات مؤينة وترددات غير مؤينة

خلى نقوللكم الفرق بينهم الاتنين
الترددات الموينة تقع فى مدى تردد اشعة اكس المستخدمة فى التطبيقات الطبية ومافوق
وهدى الترددات تستطيع ان تخترق جزيئات و درات المواد وتوتر فيها لى هدا السبب يطلب عدم التعرض لى اشعة اكس مرتين خلال مدة ستة اشهر فى المستشفيات
كيف ماقلت بدرى ان كل مازاد التردد زادت الخطورة

اما النوع التانى فهيا ترددات غير موينة يعنى لاتستطيع ان تخترق الدرات ولاتوتر فيها كا صوت الانسان والضوء المرئى و الميكرويف فى المطبخ والبلتوت فى هواتفنا النقالة وترددات الراديو الليبية والشبابية

توا نرجع حق محور حديتنا

الى هوا خطورة الهاتف المحمول على مستخدمية

الهاتف المحمول فى ليبا يستخدم تلات ترددات الاهم 900 ميجا هرتز 1800 ميجا هرتز ونلاحط ان الترددات هادى فى نطاق الترددات الغير الموينة يعنى الطاقة الى طالعة منها لاتوتر فى خلايا ودرات المواد الى تتعرضلها
ونلاحط ان تردد الى يخدم علية النقال اقل من تردد الضوءالمرئى الى نتعرضولا كل يوم

يعنى من الناحيية الهندسية البحتة انا النقال لايشكل اى خطورة على مستخدمة

بس كاجرات احتياطية انى ننصح جميع زوار مدونتى واصدقائى الاعزاء
ان عند استخدام الهاتف المحمول يستحسن التكلم من خلال سماعة الادن لا من الهاتف طوالى
واتنتاء النوم يستحن ان نقفل الهاتف او نخلية بعيد علينا اتناء نومنا

ودمتم بى صحة وعافية

سلامات

إتقى شر من احسنت الية

2009-05-04T12:30:00.004+02:00

السلام عليكم

هدية الشعب الليبى الى الشعب التونسى

مشروع مدينة عمر المختار فى تونس

وضع حجر الاساس لى هدا المشروع يوم 22 ماي 2003 على مساحة 20 هكتارا وتضم ما يقارب 1200 مسكنا ويضم هدا المشروع اوهده الهدية 55 عمارة تحتوي على 600 مسكن. كما تضم "مدينة عمر المختار" التي جاءت لتكرس البعد الاجتماعي فى

العلاقات التونسية الليبية مدرسة ابتدائية ومدرسة اعدادية ومركزا للصحة الاساسية وروضة للاطفال وسوقا تجارية ومركزا للنهوض بالمهن الصغرى ومركزا شبابيا ومكتبة عمومية وجامعا ومركزا للبريد وذلك فضلا عن توفر مختلف المرافق الاساسية .

هدية الشعب التونسى لى الشعب الليبى

اعتقد انا الصور معبرا اكتر من الكلمات

ونحب نقول لى جمهور النجم الساحلى ان غدا بى ناضرة قريب والعين بالعين والسن بالسن

والبادى اضلم

سلام

الشعب الغبى

2009-04-20T12:59:00.004+02:00

السلام عليكم

اليوم متت بى الضحك لما واحد من اصدقائى بعتلى رابط فيديو فية اغبا شعب فى العالم واللة انا اغبا شعب حق

نخليكم مع الفيديو وانتم احكموو

يلا سلام

حاجة غريبة

2009-04-15T16:01:00.004+02:00

طفلة تقـرا

سمحة شقرا

اتقول غزاله

لا تعرف في الدنيا حيرة

لا تكديـره

اتقول اتعيش

فـ احسن حاله

وفي يوم من ليام

في استراحه

فيه شي صاب احساسها

غابت عليها الراحــه

وين ما انقطع امداسها

قالت لبوها دامعه

بعد ما تكدر حالها

والأم كانت سامعه

والحال شاغل بالها

امداسي انقطع يا بوي

هللي زمان شريته

كعبه نصل يابوي

في المدرسة وما القيته

واطى الراجل راسه

المسكين جاته ثقيله

حست البنت احساسه

وعازته وقلة الحيله

قالت:

نا عارفة يابوي

إنّ ظروفك صعبه

تبيع لعبتي يابوي

لو كان عندي لعبه

بكرة نكبربكرة نقرا

بكرة تبقى العازة ذكرى

لكن زعمه

كيف بنقرا

وكيف نفهم درسي وعنوانه

وكيف نمشي لمدرستي ونقرا

انخاف ايقولولي حفيانه

وفي المدرسة قالولنا

اللي ما تجي في امداس

ما نقرّوها

اللي ما تجي في امداس

ما نبّوها

وقالوا

ابنادم

قيمته في امداسه

يامن امداسه جديد

يامن تعلى راسه.

وقالولنــا

الحفيان كيف ايتعلم

العلـم يبي امـداس

الحفيان كيف يتكلم

الحفيان مش مالناس.

وبلا امداس قالوا

ما تصير كتيبـه

وقالولنا يابـوي

ابنادم حبيبه جيبه

حاجة غريبه!!!.

كــم مـن كـلام ينقـــال؟! ومن كلمات قولتها صعيبـه؟!

وكم من حال يغني عـ السؤال؟! ومن حاجات في الدنيا غريبه؟

......

من روائع الشاعر محمد اميمة

سؤال يدور فى دهنى

2009-04-08T15:08:00.004+02:00

السلام عليكم

اخوانى واخواتى عندى سوال ليا مدة يجول فى دهنى وكنت مش مهتم بية او بالاحرى مانبيش نهتيم بية

لاكن بعد تدوينتى الاخيرة تعرضت لى مضايقات وسب وشتم عن طريق الشات بوكسى

فطريت ان الغى هدا الشات من مدونتى طلبا لى السلم والامان وبعد هدة التدوينة اصبحت متاكد بل مستيقن

انى اصبت

سوالى هوووووو

لمادا يكرهونك الناس ويحقدون عليك بى مجرد ان تقول الحقيقة ؟

هل الحقيقة تغضب الى هدا الحد والمشكلة ان الجميغ يعرف هدة الحقيقة المرة

هل اصبحنا انانين او اننا نكدب على ضمائرنا هل اصبحنا مدمنين على المجاملات والكدب

ياريت نلقا جواب على سوالى

مدون او مدونة

2009-03-30T23:38:00.004+02:00

اخوتي المدونين والمدونات اليوم للأسف سأدون تدوينة من المؤسف اني ادونها فبعد البحث والحديث مع بعض الأصدقاء المدونين والغير المدونين تحدثنا.

أن هناك مدونات أصحابها ذكور ويدعون بأنهم إناث وطبعا ضحكت ولكن بعد ان اراني بعض متابعته التي ادهلتنى لانه كان يجمع معلومات كبيرة عن المدونات وجدت إنه على حق وصدمت حقا في مدونتين لن اقول اسم هاتان المدونتين منعا للتشهير بأحد ولاحظنا توددهم للمدونات التي تديرها فتيات ولا نعرف سبب مايفعلونه

ربما هولاء المتقمصين شخصيات فتيات لديهم أمراض نفسية أو تراكمات سابقة من مرض ملاحقة الفتيات وانا اعتبر كل فتاة اختي في عالم التدوين فإني ارجو منهم أن يأخذو الحيطة والحذر من التعامل مع اشخاص لا يعرفونهم شخصيا أو عن طريق شخص غير موثوق وحقيقة تأسفت لوجود هذه الظاهرة التي بدات بالأنتشار

والتي تعكس الحالة النفسية لأوساط كنت اعتبرها واعية ومثقفة والكارثة إن شخصية هولاء كادت ان تكون واضحة امامي بعد المتابعة الدقيقة لمدة اسبوع آخر هذا يعني إنه حتى عالم التدوين لم يعد آمن

وبعد مناقشتي أنا والأصدقاء خلصنا لحقيقة إنه إذا كان رجل ورضى لنفسه أن يدعى بتاء مربوطة فهو سوف يفعل الكثير من الأعمال القدرة الأخرى ليصل لمبتغاه

هذه تدوينة ارد ت ان اضعها أمامكم اخواتي واخوتي لمناقشة الحلول في هذه الضاهرة

اجمل النصائح

2009-03-18T11:00:00.005+02:00

السلام عليكم

زوار مدونتى الاعزاء الايام الى فاتت كنت نستمع لى درس لى الشيخ الدكتور عائض القرنى اكيد كلكم تعرفوة

واهتميت بية وبحتت عنا وانى ندور فى كتبا فى الانترنت لقيت مجموعة من النصائح منقولة عن الشيخ عائض القرنى

نصائح روعة

حبيت نزين بيها مدونتى ونفيد بيها زوارها الاعزاء

اليكم النصائح

ما مضى فات , وما ذهب مات , فلا تفكر فيما مضى , فقد ذهب وانقضى ..

اترك المستقبل حتى يأتي , ولا تهتم بالغد لأنك إذا أصلحت يومك صلح غدك .

عليك بالمشي والرياضة , واجتنب الكسل والخمول , واهجر الفراغ والبطالة .

جدد حياتك , ونوع أساليب معيشتك , وغير من الروتين الذي تعيشه ..

اهجر المنبهات والإكثار من الشاي والقهوة , واحذر التدخين ..

كرر( لاحول ولا قوةإلا بالله ) فإنها تشرح البال , وتصلح الحال,وتحملبها الأثقال , وترضي ذا الجلال .

أكثر من الإستغفار , فمعه الرزق والفرج والذرية والعلم النافع والتيسيروحط الخطايا

البلاء يقرب بينك وبين الله ويعلمك الدعاء ويذهب عنك الكبر والعجب والفخر ..

لا تجالس البغضاء والثقلاء والحسدة فإنهم حمى الروح , وهم حملة الأحزان ..

إياك والذنوب , فإنها مصدر الهموم والأحزان وهي سبب النكبات وبابالمصائب والأزمات ..

لا تكثرت من القول القبيح والكلام السيء الذي يقال فيك فإنه يؤذي قائله ولا يؤذيك ..

سب أعدائك لك وشتم حسادك يساوي قيمتك لأنك أصبحتشيئا مذكورا وشخصا مهما .

اعلم أن من إغتابك فقد أهدى لك حسناته وحط من سيئاتك وجعلك مشهورا, وهذه نعمة ..

ابسط وجهك للناس تكسب ودهم, وألن لهم الكلام يحبوك ,وتواضع لهم يجلوك ..

إبدأ الناس بالسلام وحيهم بالبسمة وأعرهم الإهتمام لتكن محببا إلى قلوبهم قريبا منهم ..

لا تضيع عمرك في التنقل بين التخصصات والوظائف والمهن فإن معنى هذا أنك لم تنجح في شيء .

كن واسع الأفق والتمس الأعذار لمن أساء إليك لتعش في سكينة وهدوء , وإياك ومحاولة الإنتقام ..

لا تفرح أعدائك بغضبك وحزنك فإن هذا ما يريدون , فلا تحقق أمانيهم الغالية في تعكير حياتك ..

اهجر العشق والغرام والحب المحرم فإنه عذاب للروح ومرض القلب وافزع إلى الله وإلى ذكره وطاعته .

أنت الذي تلون حياتك بنظرك إليها, فحياتك من صنع أفكارك ,فلا تضع نظارة سوداء على عينيك ..

إذا وقعت في أزمة فتذكر كم أزمة مرت بك ونجاك الله منها, حينها تعلمأن من عافاك في الأولى سيعافيك في الثانية

اعمال التطوير

2009-03-12T16:38:00.006+02:00

السلام عليكم

بمناسبة اعمال التطوير والبنية التحتية الى توا فى ليبيا قلت خلى حتا انى ندير ازالة لى غرض التطوير لى المدونة متعى هههههههههههه..........

المهم مشيت درت اعلان لى الشركات والتشاركيات العالمية والمحلية باش انشوف اى احسن شركة يرسى عليها مشروع تطوير مدونتى

المهم جتنى عروض كويسة من شركات اجنبية محترمة وجتنى حتا اكراميات محترمة من شركات محلية ههههههههههههههه......

اكراميات =رشوة

المهم بعد الدراسة والتمعين والتشاور رسى العطا على شركة العالمية لتطوير المدونات لى صاحبتها غيداء التواتى

وبارك اللة فيها قامت بى شغلها تام وفوق من هدا ماخدت ولا قرش هههههههههههههه تطوعا باش تنقد مدونتى من التخلف العمرانى

ههههههههههه

واى واحد يبى اطور مدونتا يمشى لى شركة العالمية لى تطوير المدونات

سلام

فن معالجة الاخطاء

2009-03-10T13:03:00.005+02:00

السلام عليكم

فى البداية اود منكم قراءة هدة القصة

انتقل رجل مع زوجته الى منزل جديد وفي صبيحة اليوم الاول وبينما يتناولان وجبة الافطارقالت الزوجة من خلف زجاج النافذة المطلة على الحديقة المشتركة بينهما وبين جيرانهما

انظر يا عزيزي. ان غسيل جارتنا ليس نظيفا .. لابد انها تشتري مسحوقا رخيصا ....ودأبت الزوجة على القاء نفس التعليق في كل مرة ترى جارتها تنشر الغسيل وبعد شهر اندهشت الزوجة عندما رأت الغسيل نظيفا على حبال جارتها وقالت لزوجها

انظر .. لقد تعلمت اخيرا كيف تغسل..فأجاب الزوج : عزيزتي لقد نهضت مبكرا هذا الصباح ونظفت زجاج النافذة التي تنظرين منها .. !!

أصلح عيوبك قبل أن تصلح عيوب الاخرين

الخطأ سلوك بشري لا بد ان نقع فيه حكماء كنا او جهلاء ..و ليس من المعقول أن يكون الخطأ صغيراً فنكبره .. و نضخمه.. ولابد من معالجة الخطأ بحكمة ورويه و أياً كان الأمر فإننا نحتاج بين وقت و آخر إلى مراجعة أساليبنا في معالجة الأخطاء .. و لمعالجة الأخطاء فن خاص بذاته .. يقوم على عدة قواعد ..

القاعدة الأولـــــــــى

اللوم للمخطيء لا يأتي بخير غالباً تذكر أن اللوم لا يأتي بنتائج إيجابيه في الغالب فحاول أن تتجنبه ..وقد وضح لنا أنس رضي الله عنه انه خدم الرسول صلى الله عليه وسلم عشر سنوات ما لا مه على شيء قط .. فاللوم مثل السهم القاتل ما أن ينطلق حتى ترده الريح علي صاحبه فيؤذيه ذلك أن اللوم يحطم كبرياء النفس و يكفيك أنه ليس في الدنيا أحد يحب اللوم

القاعدة الثانية

أبعد الحاجز الضبابي عن عين المخطئ المخطئ أحيانا لا يشعر أنه مخطئ فكيف نوجه له لوم مباشر و عتاب قاس وهو يرى أنه مصيب .. إذاً لا بد أن نزيل الغشاوة عن عينيه ليعلم أنه على خطأ وفي قصة الشاب مع الرسول صلى الله عليه وسلم درس في ذلك حيث جاءه يستسمحه بكل جرأة و صراحة في الزنا فقال له الرسول صلى الله عليه وسلم : ( اترضاه لأمك ؟؟) قال: لا فقال الرسول صلى الله عليه وسلم : ( فان الناس لا يرضونه لأمهاتهم ) ثم قال الرسول صلى الله عليه وسلم : ( أترضاه لأختك؟؟ ) قال : لا فقال الرسول صلى الله عليه وسلم : ( فإن الناس لا يرضونه لأخواتهم ) فأبغض الشاب الزنا

القاعدة الثالثة

استخدام العبارات اللطيفه في إصلاح الخطأ إنا كلنا ندرك أن من البيان سحراً فلماذا لا نستخدم هذا السحر الحلال في معالجة الاخطاء .. فمثلاً حينما نقول للمخطئ (لو فعلت كذا لكان أفضل..) (ما رأيك لو تفعل كذا..) (أنا اقترح أن تفعل كذا.. ما وجهة نظرك) أليست أفضل من قولنا .. يا قليل التهذيب و الأدب.. ألا تسمع.. ألا تعقل.. أمجنون انت .. كم مره قلت لك .. فرق شاسع بين الأسلوبين .. إشعارنا بتقديرنا و احترامنا للآخر يجعله يعترف بالخطأ و يصلحه

القاعدة الرابعة

ترك الجدال أكثر إقناعاً .. تجنب الجدال في معالجة الأخطاء فهي أكثر و أعمق أثراً من الخطأ نفسه وتذكر .. أنك بالجدال قد تخسر ..لأن المخطئ قد يربط الخطأ بكرامته فيدافع عن الخطأ بكرامته فيجد في الجدال متسعاً و يصعب عليه الرجوع عن الخطأ فلا نغلق عليه الأبواب ولنجعلها مفتوحه ليسهل عليه الرجوع .

القاعدة الخامسة

ضع نفسك موضع المخطئ ثم ابحث عن الحل حاول أن تضع نفسك موضع المخطئ و فكر من وجهة نظره و فكر في الخيارات الممكنه التي يمكن أن يتقبلها واختر منها ما يناسبه

القاعدة السادسة

ماكان الرفق في شئ إلا زانه.. بالرفق نكسب .. ونصلح الخطأ .. ونحافظ على كرامة المخطئ .. وكلنا يذكر قصه الأعرابي الذي بال في المسجد كيف عالجها النبي صلى الله عليه وسلم بالرفق .. حتى علم الأعرابي أنه علي خطأ..

القاعدة السابعة

دع الأخرين يتوصلون لفكرتك.. عندما يخطئ الإنسان فقد يكون من المناسب في تصحيح الخطأ أن تجعله يكتشف الخطأ بنفسه ثم تجعله يكتشف الحل بنفسه و الإنسان عندما يكتشف الخطأ ثم يكتشف الحل و الصواب فلا شك أنه يكون أكثر حماساً لأنه يشعر أن الفكره فكرته هو..

القاعده الثامنة

عندما تنتقد اذكر جوانب الصواب.. حتى يتقبل الأخرون نقدك المهذب و تصحيحك بالخطأ أشعرهم بالإنصاف خلال نقدك .. فالإنسان قد يخطئ ولكن قد يكون في عمله نسبه من الصحه لماذا نغفلها..

القاعده التاسعة

لا تفتش عن الأخطاء الخفية.. حاول أن تصحح الأخطاء الظاهرة و لا تفتش عن الأخطاء الخفية لأنك بذلك تفسد القلوب ..و لأن الله سبحانه وتعالى نهى عن تتبع عورات المسلمين

القاعده العاشرة

استفسر عن الخطأ مع إحسان الظن.. عندما يبلغك خطأ عن انسان فتثبت منه واستفسر عنه مع حسن الظن به فانت بذلك تشعره بالاحترام و التقدير كما يشعر هو بالخجل وان هذا الخطا لا يليق بمثله ..كأن نقول وصلني انك فعلت كذا ولا اظنه يصدر منك

القاعده الحادية عشر

تذكر أن الكلمة القاسية في العتاب لها كلمة طيبة مرادفة تؤدي المعنى نفسه.. عند الصينيين مثل يقول .. نقطة من عسل تصيد ما لا يصيد برميل من العلقم.. ولنعلم أن الكلمة الطيبة تؤثر .. و الكلام القاسي لا يطيقه الناس

تذكر أن الناس يتعاملون بعواطفهم أكثر من عقولهم و أخيــــــراً... فن معالجة الأخطاء فن لابد أن ندرك أهميته

يافرحة ماتمت

2009-03-05T13:41:00.007+02:00

السلام عليكم
بى مناسبت الغبيرى والعجاجات اليوم حاب نزل بوست نفرغ فية قلبى

توا الواحد لية سبوع اراجى فى الاجازة باش يتفسح ويطلع من المدينة وغلب المدينة ولى سبوع نخطط انى والشباب ونتوتو فى بضاعتنا
تصورو وتينا كل شى كل شى .........لا كن الحمد اللة الخروف ماشربناة قلنا نشروة من غادى هههههههه

وانى زى الفالح ماشى امس شارى كميرا بى هاكى الحسبة باش نصور بيها الرحلة لى قبر عون

ياحسرا مليش فى الطيب نصيب

خيرها فى غيرها

ولا كل كوم واجازة الاتنين الى فات كوم قالت شنى خلى ناخدها الديوتى باش الاحد الجاى مايحشونيش فى ديوتى

والباين انى نحشيت فى احرف منها

قدر اللة وماشاء فعل

المهم يشباب تغير المخطط متعنا بى سبب الاحوال الجوية وتم تاجيل الرحلة الى اجل غير مسمى

وقررنا ان اليوم الشباب بيقضوها عندى فى الحوش وبنتفرجو على موفى

بس مش عارف شن نشرى شن رايكم الى يعرف فيلم حلووو ايقول وياريت الفيلم فية حاجة ضحك خلى

الواحد ينسى شويا ..............

يلا سلام

مكان لى التزريد

2009-03-02T14:10:00.003+02:00

السلام عليكم
شباب الى حابب ازرد عندى لية مكان جنان مشيتلا انى والشباب الصيف الى فات وهو فى الجبل الغربى فى قرية الرحيبات واسما ام القرب
المشكلة ماعنديش لية صور بس صورت فيديو ورح وريكم الفيديو وادعولى

بالمناسبة اليوم كنت مخطط لى زردة عالمية انى والقروب بس اللة لا تسامحا المدير حشانى فى ديوتى قال شنىنبوحد ارد بالة من النتورك
وطبعا لى انى الوحيد الى مش متجوز فى العمل حشونى انى قال شنى انتا شبيب عادى حنى عندنا صغار ونسون نبو نطلعوهم ههههههه.......

امرى لى اللة وصبر جميل واللة المستعان
يلا باى وماتنسوش تقولو رايكم فى المكان

حاجة غريبة

2009-02-28T23:44:00.003+02:00

كم من كلام ينقال؟

ومن كلمات تحتاج لكتيبة؟

وكم من حال يغني ع السؤال؟

ومن حاجات في الدنيا غريبة!

تلاقوا فتاة وفتى وكيف أصحابهم داروا غلاجمعهم عشق ..جمعهم هوى وطاروا بحب في كبد السماء .ولاعاد شافوا حد .لاعاد راهم حد .وبعد فترة ردوا ..متباعدين ..وفي الخطاوي يمدُّواقال : جرحتني وقالت : جرحني وقال : حرقتني وقالت : حرقنى وما همهم في الجرح ..ولا همهم في الحرق .اللي همهم ..كيف الحبيب يجرح حبيبه ؟!. وكيف الحبيب يحرق حبيبه ؟.

حاجة غريبة !!

.تلاقوا اثنين أصحاب ..يحبوا بعضهم زين .لثنين في عز الشباب ..وللمال محتاجين .اتفقوا يديروا شركه .كيف غيرهم واللى يجيهم بركة .داروا فلوس من بعد الفلاس ..والحب أصبح للفلوس امداس .وطاح الحشم من العين ..صارت عركة .وما همهم في الناس .. لا همهم في العركة .اللي همهم ..كيف ايفصلوا هالشِرْكة ؟.وكيف كل حد يزيد فوق نصيبه .

حاجة غريب’ !!

في أول يوم تعارف بيه .وثاني يوم حضنه بقوة .وثالث يوم توالف بيه ..وغير سيرته ما ليه دوة .ويا معاه .. يا يدوّر فيه .وإن غاب ساعة في لخرى يجيه وتعرف بخوته ..وجيرته وبن عمه .. وبوه وأمه .وإن كن هو قدر ..حتى اسماه للعيلة يضمه .وبعد هذا كله ..بانت العلة ..نفضه بقوة .والنفض بعد الضم ..كما المدح بعده ذم ..قلة مروة .واللي قبَلْ بشيء ..واجب عليه إيقله .إلا نفس صاحبنا ما ليها ملّة .للكره دارت قصر ..وللحب دارت زريبة

.حاجة غريبة !!

وإيش ذنبها ؟.هو المِسَّبِّل .يدوّر عليها . ووين مايرها اعيونه يذّبل ..والسانه يتكبّل .وتقوله : شيلني بالله من تفكيرك يحسابها تدلّل .وتقوله : قلبي انشغل بغيرك ..يزعل ويجفلْ .وصار متخبّل .وشكله تبدّل .وذبّل النظر غاب حسه وانتشرت القصة .مسكين قالوا عليه الباين تبيه ..عطتهله بكتيبة

.حاجة غريبة

!قال : صاحبي وهو رفيق العمروبلا شورته ما انخوض في أمر .اخترته رفيقي ..من دون كل الناس .واللي رفيقة الزين ..ما يواطي الراس نظيف وعفيف وأصله شريف إحساسه رهيف وفي طبعه الكرم خفيف ونظيف وما فيه ما يِنْذَمْ وتغير عليه الحال ..غيّر كلامه وقال ..ما قال مالك في الخمروما قال عنصرى في السمروما قالت أمريكا في الهنود الحمروكيف ما بدت الصحبة انتهت ما هي غريبة .إلا بعدها تبقى نميمة وغيبة

..حاجة غريبة!!

جالس يفكر في مشاغل يومه ..وفجأة إلتفت في جنبه لقي زهرة ..في شذاها شوك وما شكت .شذاها يقول :أوصافي جميلة وانسومي عليلة انفوح بمحبة ووّد .نرجى في قسمي كل يوم الليلة وانعد الليالي عدْ .ماني اللي من دون عيلة ولاني عدوة حدْ .لاني عليلة ولاني ذليلة وليش ما قطفني حدْ .ولاني بخيلة ولاني ثقيلة وليش ما قطفني حدْ .غيري خذوها ..ومن الغصن هللي جنبنا قطفوها ومش كل من خذوها تفوح .. لا كل من خذوها رموها .وما من زهور وذابلة بجروح وكان جاها النصيب ايجوها .وهذا النصيب .. طبعه غريب ..يخطرله إيجي ويخطرله إيغيب .وبالله .. وينه نصيبي .خاصمت شوكي ف شانه وزينت له الطريق وفرشت قلبي حنانة .كني سمعت الباب ..انقول النصيب جاني وبيحطني في كتاب .لكن نصيبي غاب عليا ابتعد خلاني .ما لي رفق لا أصحاب .وهذا النصيب ..أمره عجيب ..يصاحب عدو ويعادي حبيب .ويلوموا عليا ..إتقول مني السبب .ومني أنا أصل الشقا وأصل التعب .وتقول في غيبة نصيبي عيبة

.حاجة غريبة !!

لى الامانة منقول بس الشعر عجبنى ويستاهل انحطا فى مدونتى

وياريت تقروة وتعطونى رايكم

2009-02-27T23:19:00.002+02:00

السلام عليكم

نحب نعرفكم بى نفسى اسمى اسامة مهندس اتصلات وانى من سكان مدينة طرابلس الجميلة

وقصتى مع المدونى هو انى يوم من الايام خاش ع القوقل مش عارف على شن اندور بالزبط بس

القوقل طيحنى على مدونة الست ميمى المهم اقريت مغامرات ميمى وعجبتنى وضحكتنى

وقلت خلى نجرب اندير مدونة زيها المهم جبت الكمبيوتر وقعمزت فى الحوش وقلت اليوم انى ولا هيا طبعا

المدونة ............

بعد سعة من العمل الشاق والكنكشن الى طلعلى قرون درت وحدة زى ماتشوفو فيها لاكن قعدا تحت الانشاء والتطوير

هدا طبعا بى مساعدت ميمى اللة اخليها واى واحد عندا اقتراح او نصيحة تخلى مدونتى احسن اقول واجرا ع اللة

فى النهاية تانكس كبيرة هلبا لى ميمى