ها انا من جديد فى مدونتى العزيزة بعد غياب طويل هوااا صح المدونة تبى شوية تنفيط وترتيب من الغبرة لاكن مش مشكلة
توا نفضالها غير اليوم نبى نكتب على شى حرقلى دمى صار معاى فى نهاية الاسبوع الماضى .
خلى نبدا من الاول
هدا لى انا المدير لية وقت مريحنى وانى كنت حاسس ان ها الراحة مش رح تمر على خير
جى يوم الاتنين الماضى الصبح مبتسم ابتسامة عريضة
اسامة عندنا شغل فى سبها ومافيش غيرك يقدر يمشى, طبعا هوا فى غيرى كتير بس كل واحد واتى بى سبلة متعى
انى قلت لى نفسى يلا خودها بروح رياضية وبرا على الاقل دير دورة فى سبها بمان اول مرة نمشيلها.
وقالى المدير حجزنالك على رحلة يوم التلاتاء السعة 7:15 مساء
على الخطوط الجوية الليبية
يوم التلاتاء السعة 5 كنت فى المطار جاهز للسفر.
خشيت لى صالة الرحلات الداخلية طبعا من المستحيل فى ليبيا تلقىا طابور وبالدور انى قلت لى روحى اهووو ستنا شوى توا اتم الزحمة ونمشى اندير تشك ان وكلها سعة وتمت الزحمة ومشيت خديت كرت الصعود .
توا لى هنى كل شى جميل جدا ماشيا الامور
جت السعة 7:15 ومزال قعدين فى صالة الانتضار
7:30
8:00
اهاااا هنى قلت خلى نسال مشيت لى مكتب الخطوط فى المطار سالتهم خيرها الرحلة تاخرت
رد على واحد تقول جاى نطلب منا فى حسنة ,,,,,, قالى وسعووو بالكم خيركم تقول رافعين التلج توا تسافرووو كلكم
طبعا من طريقة ردة انى عرفت انا مش حانوصل معاة لى حل فانسحبت وخليتة ومشيت .
استنتجت من حديتى مع المسافرين انا هدى مش اول مرة يعنى متعودا ديما
المهم وصلت السعة 9:00
واخيرا فرجوووو علينا ورح ايسفرونا
تفجات قبل مانركب الطائرة بى جبل من الحقائب مكوم جانب الطائرة
واحد من موظفى الخطوط طلب منا ان نتعرف على حقائبنا
بالليبى الى عندا شنطة ايطلعها على جنب هههههههههههههه
انى ستغربت وسالت ليش شن السبب جاوبنى الموظف قالى باش مانرفعوش شنطة صاحبها مهناش
؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!
من غير تعليق
لا حول ولا قوة الا باللة
المهم طلعت شنطى وركبت فى الطايرة وانى خايف ,,,, الحق خفت يعنى ادا هما قعدين بالطريقة هادى باش يعرفووو الشناطى صحابها قعدين او لا بى نعبا عليهم ايطيرووو بينا فى الجوووو
المهم توكلت على اللة وركبت وستغرفت الرحلة سعة من الزمن ووصلنا لى مطار سبها برعاية اللة وحدة
طبعا اول ماوصلت خديت شنطى بعد جهد جهيد
الاربعاء والخميس قضيتهم فى شغلى المكلف بة .
واتا يوم الجمعة الموعود هههههههههه رحلة العودة ,,,,,,,, شفتم الى صار معاى فووووق نفسة بالزبط بس فى حاجة زيادة انا رحلت الجمعة الغيت ودارووو عليا جميل باش سافرت السبت
طبعا هدى اول مرة نسافر رحلة داخلية ,,,,,, واخر مرة
مع السلامة واتمنا لكم سفرا ممتعا
16 التعليقات:
الحمد لله ع سلامتك يا اسامة
كله كوم ولقطة باش منرفعوش شنطة واحد مش موجود كوووووم اخر
ماشيين بالبركة ولا كيف اني مجربتش رحلة داخلية باش نشاركك الاكسبيربينس
زعمة كل شركات هكي والسؤال اللى يكرر نفسه فى كل مكان علاش الخدمات عندنا ضعيفة ؟؟؟؟ وين الاسلوب والابتسامة والخدمة !!!
ربي يعاون وحمد لله ع سلامتك وعودتك للتدوين
حالك طيب يا خوي
امالة شنو ايقول اللى قاعد في مطار ميلانو من 9 صباحا ما جت الطائرة الا 8 مساء والسبب لان اليوم اللى قبلة كان عجاج فجميع الرحلات تاجلت لذلك كانت طائرتة متاخرة اتقوم بجميع رحلات اليوم السابق
وشنو ايقول اللى قاعد في مطار تونس العاصمة من 7 صباحا لعند 10 مساءا ومعاة مريض وزي ما انت عارف مطار تونس المقاعد حديد ولما سال عن السبب قالوا الطائرة فيها طرف عاطل وقاعدة في بنغازي وقطع غيارها يبو ايجبوة من طرابلس....
وشنو ايقول.....والله بلاش مانا نحكوا في الهواء لو الحكي ينفع كان نفع معتمرين بنغازي قبل عام او عامين عندما اقاموا في مطار جدة 3 ايام ...نعم 3 ايام لعند البعض منهم اضاح ثواب عمرتة بالكلام الفاحش لمندوب الشركة الليبية اللى يحساب نفسة مالك الشركة واللى عاجبة عاجبة ...وما حل مشكلتهم الا بعد ما اتجهوا الي وزارة الحج السعودية وقدموا شكوي واتجة معاهم مسئول ووجة تحذير لسوداني ( مندوب الشركة) وقالة لو ما اتجي طائة انا راح نبعثهم بطائرات سعودية ولولا لطف الله والمشكلة اللى كانت قائمة بين ليبيا والسعودية لكان قالة جيبلهم لكن كان عارف العواقب لذلك اسرع بجلب طائرات
حالك طيب يا اسامة اللى تاخير كان ساعة او ساعتين
نسيم
اللة ايسلمك واللة صح ماشيين بالبركة وخلاص .
ننصحك انك ماتجربى اى رحلة داخلية.
شكرا على مرورك
اخى العزيز
شكرا على مرورك واللة انى شكرت اللة بعد ماقريت الى كتبتة ... صار انى حالى كويس فى جنبهم
ههههههه صار تأخرت بيك الرحله و التغت و اتشحورت؟؟؟
اسامه انا خبيرة سفر على الخطوط الليبيه يعني 99 في الميه من سفراتي عليها و هادي ديما عادتهم مش جديده عليهم...شكلهم يختلو في الارهابيين ههههه
بالنسبه للتعرف على الشناطي مش عارفه اذا كان برتوكول ليبي و لا كلهم ايديرو فيه بس سفرتي الاخيره لامريكا برغم طيارتين و بلادين و فيها بيتان ليله في امستردام الحق قلت توا اكيد بيقولونا شوفو شناطيكم قبل ما نطلعو تاني يوم لكن لما سألت قالولي ماتخمميش كل شي تمام.
يلا تعيش و تاكل غيرها و مره تاني قول للشركه تحجزلك عالبراق بلا قفاصه عندي صديقه من سبها الاسبوع اللي فات سافرت عليها لسبها تشكر فيها
اهلا ميمى
يامحلاكم وانتم ماشيين لى امريكا ودوروو فى شناطيكم هههههه.
لا لا انى سالت قالولى هدا برتكول معمول بة فى الرحلات الداخلية بس .
لاكن فى الجديد لا ليبية لا براق احسن حاجة السيارة اتجينى فى تعب و لا حرق اعصاب .
السلام عليكم
ههههههههههههه
سامحني والله ضحكتني هلبة وفي نفس الوقت سخفتني لكن كله يفوت خوي أوس وتعيش وتعيش لا مش تاكل غيرها ههههههه
وتنسي
هيا سلام ياكابتن ههههههههه
أستودعك الله
السلام عليكم
قالك إذا عرف السبب بطل العجب
ماهو خوتك الليبيين لما يبو ايسافروا لاي مكان
غحطو شنيطاتهم ويتفكروا التهدريز ولما الرحلة اصير فيها تاخير يطلعوامن المطار مرة وحدة
علي اساس ان الشنيطات قاعدين في المطار يعني هما شويا وراجعين
وبالتالي الشنيطات اتسافر ووخينك اتفوتهم الرحلة " المتاخر" ويبدوا في العياط والمشاكل
هي اصلا دورة حياة بين تأخير الطائرة ثم أيداع الحقائب وتاخير المسافر وسفر الحقائب
تقبل مروري
أم نسرين
السلام عليكم
الحمد لله على السلامة ........لهذا السبب واسباب اخرى يصفق الركاب الليبيين عند هبوط الطائرةههههههههه.
نحتاج لضبط الادارة والوقت حتى نكون الافضل كما كنا فترات سابقة ويضرب بنا المثل حتى وسط بريطانيا
السلام عليكم :)
اااااه الخطوط الليبية !!!:/
ناهيك عن هذا كله !! عندما يمسكون الكراسي لبعضهم البعض :( ويقولون الطائرة مليانة ولكن هي مش مليانة هم يمسكون الكراسي فقط في حالة وجود أحد يودون التجمل عليه بكرسي في الطائرة !!
كم أكره هذه الحركة !!:(
شركة البراق للنقل الجوي هي الافضل :) في الرحلات الداخلية :) وتليها الافريقية :)
لكن الليبية فقط هي من تذهب لسبها !! XS
لذلك أظن أنه لا مفر لك منها ْXD
مدونة جميلة :) أبدي أعجابي بها
متابعة جديدة لتدويناتك ^^
السلام عليكم
تقبل الله منا ومنكم الصيام والقيام وكل عام وانتم بخير
السلام عليكم
والله كلامك صح ميه الميه
رحلات دوله او داخليه كلها دراه كبد
من فتره مسافره بندير عمره مفروض نطلعو الساعه 8ليلا طلعنا الساعه12ظهرا قعدنا مشحورين في المطار يعني هم عارفين الرحلة بتتاخر مفروض حطونا في فندق ومش خلونا ملوحين زي الخرفان في صالة الانتظار الفوقيه
واخر مره وانا مروح من بريطانيا ونازله للبلاد بروحي قعدت مشحوره في مطار لندن لعقاب الليل باش طلعت الطياره ولما وصلت ماحصلت حتى كروسه انحط فيها الشناطي متاعي
ربي يفرج علينا ويشد الخطوط رجل صالح
مشكور ويارب تتحسن الاحوال
[b][url=http://turbobits.net]новинки кино скачать [/url][/b] - Скачать на турбо скорости можно у нас!
http://turbobits.net/2123-skachat-film-za-spichkami-1980.html
السلام عليكم اهل الدار
أضحى مبارك و كل عام وانتم بخير
السلام عليك
كل عام وانت بالف خير بمناسبه مولد نبوي
سلامي
اختك
فتاة من زمن اخر
ثقافة الهزيمة .. عصابة البقرة الضاحكة 3
وأنا تقديري الشخصي لهذه العملية الخاصة بسعاد حسني أنه لم يكن ثمة ما يدعو لأقتحام الغرفة عليها أثناء وجودها مع ممدوح والأكتفاء بمواجهتها بالصور التي حصلنا عليها من عملية الكنترول خاصة وأن الأقتحام تم أثناء ممارسة أوضاع جنسية وكانت سعاد عريانة،
وأذكر أنه في مرحلة من مراحل العملية كانت سعاد وممدوح متغطيين بملاية وكان ذلك من ضمن الأسباب التي دفعت إلى التفكير في الأقتحام أنما هذا لا يمنع من أننا ألتقطنا لهم صور قبل ما يتغطوا بالملاية، وقد كانت هذه العملية الخاصة بسعاد حسني هي أول عملية نلجأ فيها إلى هذا الأسلوب في التجنيد وهو ضبطها متلبسة...
.باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us
هذة هى الحقيقة العارية للعصابة التى كانت و مازالت تحكم مصر.
إرسال تعليق