السلام عليكم
اخوانى واخواتى عندى سوال ليا مدة يجول فى دهنى وكنت مش مهتم بية او بالاحرى مانبيش نهتيم بية
لاكن بعد تدوينتى الاخيرة تعرضت لى مضايقات وسب وشتم عن طريق الشات بوكسى
فطريت ان الغى هدا الشات من مدونتى طلبا لى السلم والامان وبعد هدة التدوينة اصبحت متاكد بل مستيقن
انى اصبت
سوالى هوووووو
لمادا يكرهونك الناس ويحقدون عليك بى مجرد ان تقول الحقيقة ؟
هل الحقيقة تغضب الى هدا الحد والمشكلة ان الجميغ يعرف هدة الحقيقة المرة
هل اصبحنا انانين او اننا نكدب على ضمائرنا هل اصبحنا مدمنين على المجاملات والكدب
ياريت نلقا جواب على سوالى
9 التعليقات:
السلام عليك
اول تعليق
تعرف انا تيقنة ان الحقيقه اصبحت كالشمس تسطع ولكن لا احد يدركه او يتحمل قوة شعاعها
وادا كان الدين يقولون حقيقه قليلون فااعتقد انهم سيصبحون تمثيال في المتحف يزورنهم ويتحصورن علي ان في ماضيهم كان هناك شيء اسمه الحقيقه
مش عارفه المفترض يكون صدق شي عادي معتاد فالاسف اصبح عيب معاب
هدا وجهة نطري
مع علم ان متيقنه كم هناك يكرهون الصدق فهناك من يناد بيه ويحبونه ان يسطع عاليا
فلا تندم ادا قلت حقيقه
سلامي
اختك
فتاة من زمن اخر
السلام عليكم
هلبا ناس يديرو حالهم يحبو الصراصحة ولما تجى تحكي لهم الصراحة والحق يزعلو ويديرو قصة
صارتلى هلبا مواقف من هذا النوع بطبعى مانحب نقول الا الصراحة والحق بدون تجريح الطرف التانى والا نسكت او نبتسم بس لما يطلب منى احد الصراحة ويقولى مانزعل نحكي ونتفجأء انه زعل وقام الدنيا وقعدها يعنى بالعكس المفروض اى انسان يتقبل النقد ويحاول يصلح اخطاءه لانه مافيه احد معصوم او ملاك.
بصراحة سؤال صعب ما عرفتش نجاوبه ، شكلي بنستعين بصديق !
فكنا يا اوس من الاسئلة الصعبة انا ماصدقت كملت اقرايتي
ههههههههههه
اخوانا المصريين ايقولوا اللى على راسة بطحة ايحسس عليها وشكلك بموضوعك اللى فات حسست على بطحة الجماعة لذلك هاجموك
فوت وكبر ادماغك
يلاا سلامات
أسامة برااااااااااااااااافو
أنت اعطيتهالهم في الصميم بالعربية فضحتهم وأنت بديت المشوار وأنا بنكمله صدقني حنحط كل الأدلة بنخليهم وصمة عار في التدوين الليبي باش مرة ثانية يعرفوا مع منو يلعبوا
وزي مقال سراج وقلت في تددونتي اللي كتبتها بخصوص اللي صار في الشات
فووووووووتهم بالطويل وانطلق إلى الأمام يا أحسن أسامة على السبوت
بما انك على الحق فلا يقلقل او يجعز ما يقولونه فسر و ستجد من هم معك و يأيدوك... لان الحقيقة لا يتقبلها البعض ...
أسامة يااخي لقد كشفت امر احدهم لقد غاب غاب ثم ظهر ومعه الدليل غنه مدون وليس مدونة جيد جدا أن نكتشف الامر
السلام عليكم
كيفك خوي اسامه اهوا نسلم عليك حتي من هنا ، وان شاء الله ترجع التشات بوكس قريبا .
بالنسبه لبوستك والله مقيوله يا أوس كلام الحق وجاع ونحن لا نعيش في المدينه الفاضله ولذلك دير أذن من عجين والاخري من طين ومادور حد وانت بارك الله فيك ولاهتمامك بيناوخوفك علينا والله نظرتي ليك ماخابت فعلا ولد طيب وقلبك كبير وربي يحفظك انت وكل من زيك
كلمة أخيره نتمني منك ترد التشات بوكس وماتنساش إن ربي يمهل ولا يهمل وتوا ان شاء الله ياخذلك حقك من اللي آذاك
أستودعك الله
اختى فتاة من زمن اخر
شكرا لك وتاكدى انى لن اندم على قول الحقيقة مهما كان عواقبها
سوسو
اهلا بيك فى مدونتى هدى اول مرة تعلقى عندى وان شاء اللة مش الاخيرة شكرا لى مشاركتك
زوهير
ههههههههههه تستعين بى صديق لالالا ساهل الجواب وعلى العموم لو حبيت تستعين ياريت تختار الصديق الحقيقى
سراج
سرجوووو كلامك مزبوط وحتى انى بى ناخد بى نصيحتك شكرا
غيدا
غيووود اهلا اهلا وشكرا ليك لى انك ساعديتنى فى كشف الحقيقة المرة وكشف الايبى متع المعتدى
نانا
شكرا لى دعمك
غير معروف
ياريت المرة الجاية تعرفنا بيك وشكرا لى زيارتك
جيجى
الحمد اللة اختى بخير وعافية
وحاضر ياجيجى ح نرجع الشات بوكس انتى تومرى امر
إرسال تعليق